يــابــحــر فــيـنــي مـن الــحـزن كــثــر مـافــيــك ...!!!!

بسم الله الرحمن الرحيم

يابحر .. فيني من الحزن .. كثر مافيك ..

من حزن .. وأوجاع .. وغياب .. وغرايب


لاتلومني إليا شفتني .. دايم أجيك ..


ولاشفتني دايم .. على الشط .. ذايب !!


حزني كبير .. أكبر من حدود .. شاطيك ..


وأقسى من جروح الزمان .. العطايب !!


وإن كان تنشدني فأنا .. مقدر أخفيك ..


دايم اظن .. ويطلع .. الظن .. خايب !!


في هالزمن .. أقرب حبايبك .. يشقيك ..


إلين تدفع في غلاه .. الضرايب !!


من بعد هذا .. يبتعد .. عنك .. ويجفيك ..



ماكنه .. بجنبك .. قضى الوقت .. طايب !!


وإلا .. الخوي اللي توقعت .. يفديك ..


يفديك عمره .. لاغدت بك .. نشايب !!


صد .. وتصدد .. مايبي .. سمع .. طاريك ..


وياما .. أنت .. دونه .. أتعبتك .. الطلايب !!


لاتقول لي .. بدري .. وتوك .. ويمديك ..


وتعال .. وأسمع باقي الهرج .. صايب !!


خلك بحالك .. وأطلب الرب .. يهديك ..


ولاتنشد اللي غاب .. وين أنت .. غايب


وإن شفتني غايب .. عن حدود .. شاطيك ..


أعرف تراني .. تحت .. ذيك .. النصايب !!


وأعرف تراني .. دايم إن ضقت .. بآجيك ..


لأني .. أنا .. والموج .. صرنا .. حبايب !!




مع تحياااااتي....
دمي ولا دموع أمي

تسلم يمناك اختي الغاليه على هاذا الكلام الاكثر من رائع


دائما مبدعه الله لا يحرمنا من ابداعك


الله يعطيك الف عافيه




تقبلي مروري

تحياتي لكم دمي ولا دموع امي

تسلمين يارب


هاذا حق وواجب علينا


والله لا يحرمنا منك


وانا في انتظار جديدك

يعطيك الف الف عافيه